Pagina:Serie degli scritti impressi in dialetto veneziano.djvu/227

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


E se fatibile — ghe fusse ancòra,
De l'altre buscare — co Quei de sora
60Mi son certissimo — che i vorìa far;

Nè mai stufandose, — nè mai pentindose,
A Giove in còlara — dando argomento,
Che per nù perfidi — gnanca un momento
64Senza i so' fulmini — nol possa star.

Epodo XV.

Nox erat, et coelo fulgebat luna sereno
Inter minora sidera.


A la soa cara Nirèa rimproverandola
de la so' incostanza, e del so'
falso zuramento.


Gièra una nòte la più serena,
Senza un spernàchio, con Luna piena,
Ma cussì lucida, che ogni altra stèla
4Restava smorta da quel luzor;

E in quela quiete da paradiso,
Sentai da rente viso co viso,
Come fà l'edera, fàva l'istesso
8Nèra coi brazzi sora de mì;

E se, parlando, mì dubitava,
o in qualche còssa la interogàva,
Ela in t'un subito me respondèva
12Co una schietezza che gnente più;

Anzi per farme più che contento
La me zontava stò zuramento:

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Serie_degli_scritti_impressi_in_dialetto_veneziano.djvu/227&oldid=61490"