Pagina:Scherzi poetici di vari celebri autori italiani e veneziani.djvu/182

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.





Chi à visto per la strada qualche can
Ch'à un osso in boca, e un altro in tera apresso
Rosegar questo, e quel guardar sì spesso
4Che ghe par che 'l ghe scampa da le man,

Tegna mente, de grazia, a un mio paesan,
Che no vòi farghe el nome per adesso,
Ch'à mugier e morosa, e a un tempo stesso
8Gode una e a l'altra no sta un deo lontan.

El fa nè più nè manco come quelo
Che se 'l vede nissun farseghe arente
11Ragrinza i denti, e rugna e rizza el pelo.

Ma un dì el vegnirà lù tanto valente
Che se gh'acosterà sì, che 'l martelo
14E 'l redurà de l'una e l'altra in gnente.

                Chi ga un can tropo insolente
Perde po l'osso che l'aveva in boca
17Per far ch'un altro can nol ghe lo toca,

                E al fin resterà un'oca
Tanto del primo, quanto del secondo:
20Cussì la va se se vol tuto el mondo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Scherzi_poetici_di_vari_celebri_autori_italiani_e_veneziani.djvu/182&oldid=65093"