L'Amor della Gloria
El fiol d'un benestante,
De richezza fornio più che bastante,
Dotà dalla natura
D'una certa tal qual disinvoltura,
Se sentia nato exprè,
Per deventar dei leterati el re.
So pare mo piutosto ruvidotto,
Omo tagià alla bona
E che in confronto de un contratto, e un stoco
Gavea in cesto el saver della Sorbona,
Al genio de sto fiol pensava poco,
Anzi ghe urtava a vedarlo distrato
Dall'interesse, e a far da leterato.
Figureve cha tagio interessante
Gera sto benestante,
Immaginè da vederlo vestío
Davanti mal assae, pezo da drio.
