Pagina:Scherzi poetici di vari celebri autori italiani e veneziani.djvu/173

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


L'indigestion letteraria


     Un preteso leterato,
Pien de fumo e pien de boria,
Un de quei che a tutto cesto
Vol un posto nella storia,

     Casca un dì dal dito al fato,
In un mal piutosto fiero,
Che marciando de quel passo
Lo portava al cimitero.

     Agravà lu se sentiva
Da una forte ripienezza,
Testa storna, mal de panza,
Gran suor, gran debolezza.

     E sì lu no magna molto,
Poco el beve, el fa del moto:
Quala donca xe la causa
Che a malarse l'ha ridoto?

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Scherzi_poetici_di_vari_celebri_autori_italiani_e_veneziani.djvu/173&oldid=57069"