Pagina:Scherzi poetici di vari celebri autori italiani e veneziani.djvu/130

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Brindisi per Paroco novello 1


     Amici, che caldo!
No posso star saldo,
Go invasa la testa:
Sto zorno de festa
Poeta me vol....
Me tegna chi pol!

     Chi sa che nol sia
Efeto del vin?
Ma se l'alegria,
De sto gotesin
Me fa improvisar
M'oi da vergognar?

     Col goto a la man,
Da bon cortesan,
Orazio cantava
E sempre el ciuciava
Del vin navegà
Per darse del fià.