Pagina:Scherzi poetici di vari celebri autori italiani e veneziani.djvu/129

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Mi per altro no bado a tanti mali,
E troto per sti loghi abandonai;
138Senza parlar de imposte e de prediali;
     Che pur tropo a far tera da bocai
Dovemo tuti andar co xe el momento,
141E ga l'istesso fin richi e spiantai.
     Ma la Note vien zo dal firmamento,
El grilo fa crì crì, la rana canta,
144E de tornar indrio vogia me sento:
     Per sigilar sta vita più che santa,
A le diese do mocoli se impizza
147E de tressete una partia se pianta.
     Gh'è la puta, el gastaldo e la novizza,
Orbi tuti che fa le bastonae;
150Se soga de do soldi e se se istizza.
     Cussì vive lontan da ste palae
Quel gran persecutor de Bortoleto,
153Che farà le sò solite bulae
Credendose un brav'omo a mio dispeto.