DI ANGELO BARBARO
Dal so Piovan xe andada un dì una puta
Vicina a farse sposa
Aciò el ghe diga la Messa de Maria.
El Piovan gh'à risposto: Oh pian, sta cosa,
5Qua bisogna parlarme schiettamente,
Come se fussi al confessor presente,
Se vu sè puta
La Madonna ve agiuta,
Ma se puta no sè
10Drento l'anno crepè.
Perchè po no succeda sta tragedia
De la gran Maddalena
Co la messa in ancuo se ghe remedia;
Parlè senza ragiri...
15La puta ga qua trato dei sospiri;
E po l'à dito: Sior Piovan, la diga...
La diga pur la messa...
La messa ... de Maria. Oh dio che pena,
Ma con un poco de la Maddalena.
