La Marieta la và suzo
La se buta zo sul leto,
Con dolore e mal de peto
La scominzia a sospirar.
— Cosa sospirèu, Mariola,
Che per vu l'è manco male;
Prendi, prendi l'ucia e ’l diale,
E scominzia a lavorar. —
— Ghò le mane che me trema,
Ghò la vista che me sbaglia,
Ghò l'amor che me travaglia,
E no posso lavorar. —
— Prendi, prendi stà camisa,
Faghe, faghe le busête;1 —
— Le sia larghe le sia strete
O che tristo lavorar. —
— I vol che me marida,
vol che tòga un vecio; —
La sera co ’l và in leto
El spua de quà, de là;
L'al ciapa par ’na recia
— Marìo, voltève in quà. —
— Mi son povero vecchio,
Ghò estro de riposar —2
— Dovevi tor ’na vecia
E de la vosta età,
No tor stâ giovineta
Par farla consumar;
Mi son 'na giovineta
Ghò estro da matezar. —
