Pagina:Saggio di canti popolari veronesi.djvu/39

Da Wikisource
Jump to navigation Jump to search
100 percent.svg
Sta pagina la xe stà trascrita e rileta.
— 7 —
28.


O bela che sì nata in t'el levante,
     Da quela parte ando' che leva el sole,
     De le beleze vu ghe n'avì tante,
     E fè inamorar chì non vi vuole.


29.


Ci canta dal velen, ci da la rabia,
     E ci par non aver malinconia;
     Così fà lo mio ben quando l'è in gabia,
     El canta dal velen e da la rabia.


30.


M'è stado dito che te vò andar via,
     Tute le porte le farò serare,
     Ogni canton ghe metarò ’na spia
     A ciò che no te passi, anima mia.


31.


La mama del mio ben m'à mandà a dire
     Che su la grela la me vol rostire1,
     E mi ghò mandà a dir se la savesse
     Che su la grela se rostisce el pesse.


32.


Quanti ghe n'e che brama la fortuna,
     E mi, meschina, no lo bramo mai:
     Ma bramo un giovenin de vintiun ano,
     Quela l'è la fortuna che mi bramo.

  1. Grela: graticola, grada, gradella.