Pagina:Saggio di canti popolari veronesi.djvu/38

— 6 —

23.

Quanti ghe n'è de questi marcia in spada¹
     Che i magnarà de quela che se taja,
     De quela che se taja col revêto,²
     De quela che se mena col legneto.

24.

No voglio nè garofoli, nè fiori,
Nè gnanca far l'amor a servitori;
I servitori jè pezo dei gati,
Sera e matina i và lecando i piati.

25.

No vedo l'ora che vegna stô inverno
Par vedar lo mio ben a tremolare,
E la mia mama la farà la liscia³
E lo mio ben se vegnarà a scaldare.

26.

No vedo l'ora che vegna stà Pasqua
Par far le brassadèle al me moroso:⁴
Ghe le farò de sucaro e de pasta,
No vedo l'ora che vegna stà Pasqua.

27.

Vardèlo là quel furbo de quel Checo
Ch'el fa l'amor a la Rosina bela;
Sera e matina el ghe porta el masseto,
Rose, basalicò⁵ e garofoleto.

1. Marciare in spada: vestire attillati e fastosamente. Frase creata a quei tempi nei quali i soli gentiluomini (riccamente abbigliàti) potevano uscire armati, e portare quindi la spada.
2. Revéto: diminutivo di refe.
3. Far la liscia: fare il bucato; viene presa la parte per il tutto essendochè il ranno o cenerata dicesi anche liscivia.
4. Brassadèle: ciambelle.
5. Basalicò: (Ocimum basilicum) bassilico.