Pagina:Rime pescatorie.djvu/38

Da Wikisource
Vai alla navigazione Vai alla ricerca
Sta pagina la xe stà trascrita, ma la gà ancora da vegner rileta.

El me par d'hora in hora aldir el messo,
     che Madona me manda a dir che vagha,
     Perche certo ghe va gran interesso,
     Si no andasse a saldarghe la piagia;
     Ni dubito che co ghe sarò apresso,
     La vorà che do mesi puo ghe staga,
     E revera per quel che mi deslanego,
     No sta ben el martello senza el manego.


Per far una poltrona so vendeta,
     Amor drio de un canton steva celao,
     E in quel che passo con la mia barcheta
     Fuora del rio, che buta a san Thomao;
     Da laro el descrochè una balestreta,
     Con un bolzon, tutto quanto indorao,
     Chel me passete el zipon de veluo,
     E si no gh'era armao andava in bruo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_pescatorie.djvu/38&oldid=55952"