Si Verzilio, e Omero havesse visto,
Quel Sol el qual mi vedo con sti occhi,
Enea, Achile, Ulisse con Egisto,
Saria presi vardando i so zenocchi;
Amor m'ha dito, che staga provisto,
Si vogio la manestra de fenocchi;
Altramente si cazerò del viscolo,
E temo da no perder un testicolo.
Andè rime dolente, e corè forte,
Chriè misericordia di mie mali.
Andè suspiri, e tacheve alle porte,
E rognì co fa proprio i anemali;
Andè lagreme zonte dalla morte,
E chreseghe a Madona i so canali;
Andè cuor a digando in ogni luogo,
Che al mio bragheto gh'è sta messo'l fuogo.
Amor, Madona, e mi siando a solazzo,
Intrassemo a parlar de amartelai,
Onde Cupido me de sul mustazzo;
Tal che fu forza tirarme da un lai,
Madona sil ferete per un nrazzo,
Con un rebuso, che zovete assai,
Puo ghe dise gioton, no nestu quello.
Che tuol, e da a la zente el martello?
