Pagina:Rime pescatorie.djvu/34

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Orpheo con la so lira in selve, in monti,
     Feva stalar in frotta i anemali;
     Mi per ogni contrà, su per i ponti,
     Ho fatto destuar mille ferali;
     Diana per i boschi a i fiumi, e i fonti,
     Tegniva Nimphe, co i rocheti zali;
     Mi per amor del to viso d'arzento,
     Si ti me basi, e morirò contento.


Dolce bochin, pulio, e saoroso,
     Con la lengua sutila, cremisina,
     Quel to basar è suave, e mostoso,
     Con quei lavri de riosa damaschina;
     O anzelico parlar tanto famoso,
     Denti de perle, andar d'una Rezina,
     Me inzenocchio Madonna a st'allegrezza,
     Azzo che me infondè tanta dolcezza.


Che credistù da far orbo, carogna?
     Bruto gaioffo, fio d'una putana;
     Cho ti me scontri can senza vergogna,
     Ti zioghi co si fosse una quintana,
     Mariol vate far onzer da la rogna,
     Che ti ha piao da Sych, Ancroia alphana,
     Che si no fosse per esser sbeffao,
     Te romperave'l muso smerdolao.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_pescatorie.djvu/34&oldid=55969"