Pagina:Rime pescatorie.djvu/33

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


No ne si bello un superbo paon,
     Ne una pernise, ne manco un fasan,
     Ni sparavier gaiardo, over falcon,
     O un gardelin, un lugaro, e montan;
     Ni cusi altiera una acquila, o grifon,
     Mi ocha, galo, grua, struzzo Indian,
     Quanto è de la mia Donna la vaghezza,
     Che co la vedo, e schitto da dolcezza.


Scaldava el Sol, e si mostrava un corno
     D'un toro alle muande de teteme;
     Quando el mio corpo si pareva un forno,
     Da gran fogor, de la carne che preme;
     Cusì stagando, se chiarite el zorno;
     Onde una bose sì disse vardeme,
     No so sil fosse spirito, o pur l'orcho,
     Basta che in leto me troviti sporcho.


Stando sora pensier una matina,
     Le braghe se me vene a dezolando;
     E rasonando co una mia visina,
     El mio becheto steva suspirando,
     Onde s'accorse la mia gatesina,
     E da lontan me l'andava spiando;
     Puo me saltete con le sgrinfe larghe.
     Che la me sgraffà tutte le botarghe.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_pescatorie.djvu/33&oldid=55948"