Vegno de notte al scuro in baotao,
Trovo sotto'l mio portego un brighente,
C'havea a lai una mela taiente,
Con un bernusso a torno da sbisao.
Digo chi è là? lu dise son petao,
Ghe respondo ve portè malamente
Star solo qua con quel ferro lusente,
Da ste hore, in liogo, che xe devedao.
E cusì un toccha l'altro de parole,
E vegnissemo pò, a le spadazzae,
Dagandosene cento, in su la vita.
Corse con luse vesini, e brigae,
E con la scova mia suor Margarita.
Chel fessemo andar via a braghe mole.
Von sabbao a tessera a comprar vin,
E a no vogiando in tel far del mercao,
Ghe dissi a quel vilan cul infangao,
Nol vogio, che nol me par marzemin.
E al sangue de missier san Triolin,
El ma sì destramente bastonao,
Che sì no me butava in tun fossao,
No havessè dao de mi un bagatin.
Caro frar ghe parliti perdoneme,
In falo sier custu ho fatto sto error,
Mai piu in mia vita no farò sti atti,
Lu me respose con un batti cuor
Tuote de chive, va per i to fatti,
Cho fu in barca, è che disse teteme
