L'altro dì un zaffo laro, mariol,
A caminando in pressa in merzaria,
Me zapè su i calcagni da drio via
Sì fattamente, che anchora el me duol.
Le san, e salvo missier Caraguol,
Che no me lasserave dir busia,
Perche el me vosse dar una mentia,
El pestì a mo el sabion d'un'oriol.
Puo ghe ditti in ti fianchi co i pantofoli,
Digandoi villania poltron gaioffo.
Mocandoghe'l mustazzo con i occhi.
Va porta via ghe dissi mo sti zozzoli,
E fora zonta ghe doniti un goffo,
Che i fi tremar le viscere, e i zenocchi.
.jpg)
UEI occhi che somegia un gran feral,
Piu bei cha de pernise, e rosignol.
Quei occhi d'angusigola, o dental,
Piu bel cha de vedello, o cavriol
Quei occhi d'un stornello, o d'un cocal,
Piu bei cha de una sepa, o de varuol,
Quei occhi che fa ogn'homo inamorar,
Quei occhi è quei, che me fa poetar.
