Pagina:Rime pescatorie.djvu/27

Da Wikisource
Sta pagina la xe stà trascrita, ma la gà ancora da vegner rileta.

Missier lo prior caro de veluo,
     Cho feu, cho steu con Dona Poesia?
     Si havè da niovo qualche fantasia,
     Partecipe con chi vu se ottegnuo.
Certo daspuo che mi v'ho cognossuo,
     E tante volte scontrao per la via,
     Mai m'have dao niguna bizzaria,
     E tutti i vostri amisi ghe n'habuo.
Degneve de mandarme un presentin,
     Che ve darò anche mi qualche cossetta,
     Da real hom, e vero cittadin.
Deme un sonetto, o una stancieta,
     Vu che levè con le Muffe a matin,
     E che zioghe con esse alla fossetta.


E voio tanto ben a quel Muran,
     Che a dirvelo certo in veritae,
     Ston in pensier de vender le mie intrae,
     E vegnir là per starmene pi san.
Ve zuro al sangue de sier Cantian,
     Che quando xe al tempo de l'instae,
     E che son là ho tanta volentae,
     Che si ben ho disnao, e magnao un pan.
Quei horti e pieni de herbe uliose,
     E quel canal cusi chiaro, e pulio,
     Con quelle belle case sì aierose.
Pagheve po d'i veri che xe in rio
     Con tante creature, che par riose,
     Liogo, che la stampao Domenedio.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_pescatorie.djvu/27&oldid=55863"