Pagina:Rime pescatorie.djvu/26

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Andando un zorno a Lio col mio famegio
     Per veder a pescar su la marina,
     Troviti desmontando una putina,
     Sorella del Forner de Canaregio.
La giera in cima un gran monte de megio,
     E cantava bon dì bella rosina,
     Ghe dissi si t'havesse qua in sentina,
     Te mostrerave messier Don Basegio.
La ride, mi la vardo, lie si senta,
     Digando, che ve par caro missier
     Vegna la frieve a chi no se contenta.
Ben fa chel se instizete el sparavier,
     Onde fu forza a darghene una spenta,
     Chel me sape mior cha mia mugier.


Aqua remedio al fuoco, che me scota.
     Socorso, agiuto al mio cuor brustolao,
     Che'l povereto xe sta assassinao
     Da vinti donne tutte in tuna frota.
Cupido po m'ha dao sì gran bota
     Da drio via, che son sta trapanao
     El fianco, col bonigolo, el figao.
     Ficando l'archobuso, e la balota.
E in quel che vogio scamparghe de i pie,
     Venere sì ma tratto in tel mustazzo
     Una corbetta piena d'herbarie.
De forte che son tanto compienazzo,
     Che zorno, e notte, e fon minchionarie,
     Fin che haverò da Madonna el melazzo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_pescatorie.djvu/26&oldid=55853"