Pagina:Rime pescatorie.djvu/20

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Se'l mezzo, el fin scontrasse al so principio,
     Da ventisette mesi, che suspiro,
     E quando a la rason tal fiae me tiro,
     Me trovo pi infogao, meschin Alipio.
Le fadighe di antighi, Oratio, e Scipio,
     Haveva pur un dì qualche respiro;
     Mo mi, chel mio pensier sempre destiro,
     Per la mia Donna son casso, e mancipio.
Cusi mancando va le mie speranze,
     Talmente che no posso star in piè;
     E fruo l'intelletto, e la memoria.
No credo mai haver da lie vittoria;
     Perche la se accordà con certe Arpie,
     Che le so lengue al cuor m'è stocchi, e lanze.


In nobel sangue, vita humil'e quieta,
     E in bon intelletto, un bravo cuor,
     Frutto mauro, in zovenetto fior,
     E in aspetto pensoso anema lieta.
Ha messo in questa Donna el gran Propheta,
     Anzi el paron del cielo, el vero honor,
     Le degne laude, colme de valor,
     Da far strachar un sbaiaffo poeta.
Amor s'ha in lie, con honestae conzonto;
     Con natural bellezza, habito adorno,
     E un atto che parla con Selentio.
Gh'e un non so che in ti occhi, ch'in un ponto,
     Puol far luxe de notte, e scuro el zorno,
     El miei amaro, e cavalcar Terentio.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_pescatorie.djvu/20&oldid=64911"