Pagina:Rime pescatorie.djvu/17

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Ho cercao sempre de star solitario,
     Che fexe san Francesco, e sant'Antonio;
     Ma la sorte m'ha dao per matremonio
     Tutte le cosse, che me xe in contrario.
Che si dovesse ben star col Demonio,
     Senza compagni, sempre mai zavario,
     E re vera, ho trovao sul Calendario,
     Ch'ogni instrumento vuol un testimonio.
La societae, e la bona amicitia,
     Si ziova pur assae, cho la xe simplice,
     E no ribalda, piena de tristicia.
Oime, che no ghe ze si no zenzania,
     Fraude, belle parole, e solfarelli;
     Onde sento al mio cuor, una gran smania.


E tremo tutto, col me vien a mente,
     El zorno, che lassi cussì sdegnosa
     La mia Donna si bella, e graciosa,
     Che me pregava tanto humanamente.
Adesso cho la vedo, reverente
     M'inchino, e ella se ne sta pensosa
     Infra le so compagne, a mo una riosa,
     Che staga in mezzo d'herbe spuzzolente.
Vorave dirghe pur sia mia bon zorno,
     Puo digo ti fa pezzo poveretto,
     Che le donne s'inalza alle preghierie.
Ho paura de far un dì matierie,
     Tanto Amor m'ha privato de l'intelletto;
     Temo anche de morir, si no retorno,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_pescatorie.djvu/17&oldid=64908"