Pagina:Rime pescatorie.djvu/10

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Dolce ire, dolce paxe, dolci sdegni,
     Dolce mal, dolce ben, e dolce peso,
     Dolce parlar, dolce vardar suspeso,
     4Dolce pensar, e dolci, e bei desegni.
Dolce'l negociar, cho i dolci pegni,
     Dolce quel zorno, che fo vento, e preso,
     Dolce le hore, che son stao offeso,
     8Piu dolce, che si havesse mille regni.
Dolce quel passizar per geometria,
     Dolce quei so vardari mansuetti,
     11E dolce'l so mostrarse in ogni via.
Dolci occhi, che si dolci fa i so sonni,
     O dolce vita, con golosi effetti,
     14O dolce carne, o dolci cari donni.


Parerà forsi stranio a le brigae,
     Se lauderò culie, che me tormenta;
     In fatti, in ditti, o dove me talenta,
     4Astretto da la so rara beltae.
Amor m'ha dà manzar de ste panae;
     E vuol ch'ai mio despeto me contenta;
     De forte che'l Tesin, Po, Sil, e Brenta,
     8E i monti, e i boschi, si ha de mi pietae.
No trovo con presenti, o servitue
     Una bona parola, ni un cignetto,
     11Ben puovere fadighe, mal passue,
A grizzoli, ho pur qualche saoretto;
     Ma slagagnoso, che par pie de grue,
     14El resto stago, cho fa un cagnoletto.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_pescatorie.djvu/10&oldid=64901"