Zonto Alessandro a la famosa tomba
De mistro Achille; suspirando disse
O fio, ti a trovà pur bon tromba
4De sier Homero, che cosi ben scrisse.
Ma la mia paura, e tavarà colomba,
Che al mondo mai per lie no si sorisse
In tel grosso mio stil poco rebomba;
8Perche 'l besogneria el parlar d'Ulisse.
O' seu Febo, Mercurio, e vu Orfeo,
Ovidio, Ennio, Verzilio cantaori,
11Davit con la baldosa, e Tolomeo.
Piu che vu ghe darè i vostri favori,
Piu le brigae la mostrerà col deo,
14Digando, va chel te sta ben sti honori.
O belle man, che m'allegrao el viso;
O vitta galantina, petto bianco,
O bona gratia, che m'ha averto 'l fianco
4Portando 'l cuor de là dal Paradiso;
Occhi sassini, sotto un bravo friso,
De laudarve mai no sarò stanco,
Quando saroio un zorno per vu franco
8De cusi caro, e cusi gran serviso?
Cho penso alla presentia tanto degna,
Ston tutto stupeffao amirativo,
11S'il cagasangue adesso no me vegna,
Da che hora haveroio el vostro olivo
Anema mia? d'ogni vertue pregna,
14Che muoro in vu, e in vu ritorno vivo.
