LASSA LA MONA, E SUA RESOLUZION.
SONETTO
Avanti, che le cose mi me lassa,
Le voggio lassar elle tutte quante,
E zà mi me feguro da sto istante
4D'esser morto, e serrà drento 'na Cassa.
La zente mi no vardo più in la fassa
Contento de mi stesso, come un Biante,
Più no me move le fatture tante,
8Che forma de sto Mondo la gran massa.
La sia un Atomo, oppur 'na particella
Dell'anema del Mondo, la mia mente,
11La xe sempre 'na cosa molto bella;
Tanto, che medicar continnuamente
Mi voggio da quà avanti sora quella,
14Nè della Mona voi saver più gnente.
