AL MEDESIMO.
SONETTO
Zà, che ti m'hà, Pittor, con gran bon sesto
Fatto quel Quadro, che mi t'hò ordinà,
Un altro ghe ne voi da metter quà,
4Ma mi vorrìa, che ti 'l facessi presto;
Perchè vorrìa fenir sto pò de resto,
Che manca per far bello 'l mio mezzà,
E quando, ch'hò da dir la verità,
8El Quadro, che vorrìa, sappi 'l xe questo.
Un Omo, che le Cottole ghe alzasse
A 'na bella ragazza in t'un zardin
11Tanto, che 'l Culo tutto la mostrasse,
Ch'a un Albero la testa la puzasse,
E che lù ghe 'l mettesse sù a passin,
14E ch'ella con un deo se la menasse.
