PASSA 'L TEMPO NELLA SO GALLERIA.
SONETTO
In un coro de Donne, e tutte belle
Mi me la godo fuora de misura,
A fondo studio sulla so Natura,
4Come quelli, che specula le Stelle.
Siben dipinte hò gusto a star con elle,
Perchè la so bellezza sempre dura,
Nè che le vegna vecchie gò paura,
8Per quanto 'l tempo fazza andar le Stelle.
Stago in sta forma sempre in allegrìa,
E come, che ste Donne, no se paga,
11Me giova ancora per l'economìa.
Cussì mi penso, e lasso, che la vaga;
E digo, ch'è un bel star in compagnìa
14Co Donne, che no magna, e che no caga.
