AL MEDESIMO.
SONETTO
El mio caro Pittor, no son contento,
Se no ti me fà un altro bel Quadretto,
Dove ghe sin suso un bel Boschetto
4Co delle belle Donne, che 'l tiol drento.
Che se veda, che per divertimento
Do, o tre de quelle 'l tiol in tel Culetto,
Altre sentae de sora un arzeretto
8Se la fazza liccar per complimento;
Ch'una guerra la sìa d'Omeni, e Done,
E che le spade, i schioppi, e i cannonzini
11Altro no sia, che Cazzi, Culi, e Mone.
Co st'arme, ch'i combatta d'assassini,
A morir, che se veda le persone
14A forza de buttar fuora dei nini.
