POST MORTEM NULLA VOLUPTAS.
SONETTO
Nù semo nati tutti alla ventura,
E dopo morti, come che se mai
A sto Mondo no fussimo mai stai,
4Resteremo in eterno in sepoltura.
L'Anema nostra xe 'na fiamma pura,
E, co in cenere i Corpi sarà andai,
Anca i salumi resterà smorzai,
8E affatto i perderà la so natura.
Del ben presente tutti via godemo,
Affrettemose a gustar ogni affetto,
11E i più squisiti vini sù bevemo.
De balsami odorosi 'l collo, e 'l petto,
Le man, i brazzi, e 'l Cazzo profumemo,
14Sia 'l nostro ultimo fin solo 'l diletto.
