SATIRA.
SONETTO
I ve suppia in tel Cul, se ve neghè,
E per forza i ve fà ressuscitar,
Da un Campaniel buttar, se ve volè,
4El Campaner de sù no lassa andar.
Per quante iniquità, che far sappiè,
No se puol in ancuò farse piccar;
E adesso, che l'Uccelli più no ghè,
8No se puol gnanca farse buzarar.
Rispondo, marideve per negarve,
Un'Altana a copparse xe ripiego,
11E un Bolini xe fatto per piccarve.
Mi le vostre teorie cussì le spiego,
Che se ve stà sul cuor el buzararve,
14Al Cavalletto ghe stà un Conte Grego.
