RISPOSTA DELL'AUTOR.
SONETTO
Che buzara xe questa al dì d'ancuo,
Che tutti quanti vuol poetizar!
Se sente versi, ch'i fà da cagar,
4Che no i puol star in Cielo, nè in paluo.
Chi poeta no xe certo nassuo
No ghe sarà gnessun, che 'l possa far,
E 'l puol ben tutto quanto 'l dì studiar;
8Che 'l sarà in questo un pegoron monzuo.
Come, che senza la disposizion
Tanti ghe xe, che và sempre cantando,
11Che se i tasesse i parerìa più bon,
Cussì ghè dei Poeti, che seccando
Và a questo, e a quello la generazion,
14Ch'i farìa meggio i Cazzi andar menando.
