CONTRO L'ANTESCRITTO SONETTO.
SONETTO
Sento, che l'opinion d'un gran soggetto
Xe, che 'l Dìo bon abbia formà la Dona
Dal mezzo in zò; ma prego, che'l perdona,
4Se mi m'oppono, e se ghe fazzo objetto.
Siccome a lù gà piaso parlar schietto,
E la cosa spiegar, come la sona,
Al Cazzo dirghe Cazzo, e Mona a Mona,
8Dirò mi 'l mio parer e chiaro, e netto.
D'Andronico mi tegno l'opinion,
Che del cattivo sìa la parte soa
11El dessotto; ghe digo la rason;
Perchè 'l Demonio quella brutta scroa
El gà volesto, che nol xe cogion,
14Formar el buso per ficcar la Coa.
