SULLO STESSO ARGOMENTO.
SONETTO
Dopo, che Dìo colla so gran potenza
Hà fatto Adamo, acciò ch'allegro 'l stasse,
E che a star solo un dì nol se stuffasse,
4El gà fatto 'na Donna da presenza.
Perchè l'abbia aspettà, che 'l se indormenza,
No sò, se mai gnessun l'indovinasse,
O se qualche teologo trattasse
8Sto ponto de Divina providenza.
Mi digo, che se Adamo no dormiva,
Co Dìo fava la Mona alla bell'Eva,
11Quella Mona lù mai no la feniva,
Perchè Adamo ogni volta, che 'l vedeva
A principiar la Mona alla so Diva,
14Appena principiada el la rompeva.
