EL BEN, E 'L MAL XE IN STO MONDO.
SONETTO
I teologhi dise, che de là
Ghè 'l Limbo, 'l Purgatorio, e ghe xe ancora
L'Inferno, e 'l Paradiso, ch'innamora;
4E mi digo, sti lioghi i xe de quà.
Al Limbo ghe xe quelli, che no fà
Nè ben, nè mal, nè studia, nè lavora;
In Purgatorio quei, che gà la Siora
8Zelosa, che per tutto drìo ghe và.
All'Inferno ghè tutt'i ziogadori,
E quei, ch'innamorai xe in una Dona,
11Che ghe fà sospirar i so favori,
Che gà indosso una peste buzarona,
Pieni de piaghe, e pieni de dolori,
14E in Paradiso quelli, che và in Mona.
