SULLO STESSO ARGOMENTO.
SONETTO
Ogni Omo, che sìa Prete, e Confessor,
El deve viver sulla strada bona,
E tanto'l deve intenderse de Mona,
4Quanto s'intende d'aghi un bon Sartor;
Perchè là drento xe 'l peccante umor,
Che tira sul mal far ogni persona;
E guai, guai a quel Prete, che cagiona
8Dei penitenti miseri el terror!
Ma pò, che quel Preton buzaronazzo
De quel Codemo sappia solo star
11In teorìa, mi no ghe credo un Cazzo.
El so antigo esercizio è stà 'l chiavar,
E questo 'l sarà sempre 'l so solazzo;
14Mandando i Santi a farse buzarar.
