EL CALDO ANNOGGIA TUTTI, FUORCHÈ I FRATI.
SONETTO
Oh che gran caldo; No se puol più; giusto
Par, che la Terra, el Ciel, e l'acqua boggia,
A tola de magnar no se gà voggia,
4De bever solamente se gà gusto.
Le Femene in camisa senza busto,
Tutti butta vìa i Drappi, e se despoggia;
Solo ai Frati sto caldo no dà noggia;
8E sull'ore brusade i trova gusto.
Mi sò, perchè de lori ognun stà saldo,
Perchè i sà ben sti Frati buzaroni,
11Che allora i fà prodezze da Rinaldo.
Zà i gà tante Puttane, e Bardassoni
Che ghe fà per difenderli dal caldo
14Coi sospiri del Cul fresco ai Cogioni.
