REMEDIO PER LE DOGIE DEI FRATI.
SONETTO
Sabo de sera un Frate se despogia
In casa, se no fallo, d'Anzoletta,
E mentre 'l se dessola la braghetta
4Ghe salta in te la schena una gran dogia.
Tovagici caldi, unzion con tutta fogia,
No ghe xe caso in letto, che 'l se metta;
Nol se puol mover più; la poveretta
8No sà cosa più far, cosa, che 'l vogia.
Farghe le freghe 'l Diavolo ghe ispira,
Lù, che se sente furegar da drìo,
11Ghe vien sù la lussuria, e 'l Cazzo tira.
Ella, che 'l vede cussì inviperìo,
Se ghe tira da banda, e lù l'impira,
14E dopo 'na chiavada el xe guarìo.
