ECCESSIVA LUSSURIA D'UN FRATE.
SONETTO
Sù 'na sacra schiavina stravaccà
Giera Fra Cazz'in Cul, ch'hò cognossù,
L'andava urlando, come un spirità,
4E l'invocava el nome de Gesù,
E buttando le gambe in quà, e in là
Ben el mostrava de no poder più,
O Frate, vero Frate indemonià,
8Frate galliotto, Frà beccofottù!
E 'l santo pattelon per so trastulo
Desbottonando, un Cazzo è vegnù vìa
11Da far ingelosir qualunque Culo.
Quando, che hò visto mì 'l so mal, qual sìa,
Per no servir de recipe a quel mulo,
14Hò scretto 'l bus del Cul, e so' andà vìa.
