PER LA MORTE DELLA SIGNORA CHIARA N. N. DI VICENZA.
SONETTO
Zonta là in Ciel, dove s'imparadisa,
La Siora Chiara e saludando i Santi,
La gà dito buon zorno a tutti quanti
4Con una riverenza da Marfisa;
Pò le Cottole alzando, e la Camisa,
E a chi 'l Dadrìo mostrando, e a chi'l Davanti
De so verginità se dava i vanti,
8E i Anzoli crepava dalle risa.
De Zilj la voleva 'na corona,
Quando San Pier, perdendo la pacienza,
11Criò lassù, tasè, vecchia cogiona.
Sò, che sè stà 'na Donna da semenza,
E che missievi 'l Cazzo, e la Corona,
14Andè a contar ste buzare a Vicenza.
