ACCOGLIMENTO DE PLUTON ALLA STESSA.
SONETTO
Co all'Inferno xe andà la Bavellera
Tutti quanti quei Giudici infernali,
Considerando quanti gran Cotali,
4Che gà menà sta buzarona in tera,
I hà decretà, che come 'na guerriera
Trionfatrice dei Cazzi più bestiali
Se ghe dovesse alzar Archi trionfali;
8E farghe mille Diavoli spalliera.
Davanti 'l gran Pluton i l'hà condotta,
Che de veder el giera ansioso assae
11Sta brava, insigne, e valorosa Potta;
El gà dà tre potenti buzarae,
E pò dopo l'hà fatto, che la fotta
14Tutte quante quell'Aneme dannae.
