CONTRO CHI HÀ RISPOSTO ALL'ANTEDETTA CRITICA.
MARTELLIANI
Hò letto la risposta, ch'i hà fatto alla mia Critica,
Dove, che la mia Musa se chiama razza stitica;
Che i diga quel, ch'i vuol, la sia cattiva, o bona,
Me basta, che la piasa a qualsesìa persona;
5La mia a bon conto hà dà gusto, e solazzo,
La soa per quel, che sento, no xe stimada un Cazzo;
Ma quando, che la mia rispetto avea al Goldoni,
Che bisogno ghe giera de seccar più i cogioni?
S'halo volesto tior sto gusto d'appellar,
10Acciò, che mi lo manda a farse buzarar?
Se de sta bella cosa l'avesse volontà,
Che'l fazza pur el conto, che mi l'abbia mandà.
