SULLO STESSO ARGOMENTO.
SONETTO
Della tal qual Sentenza, che xe nata
Contro l'Abate Chiari in Capi tre,
M'aggravo, anzi m'appello, perchè l'è
4Una Sentenza malamente fata;
Che dal Mondo la sìa tiolta, e desfata,
E con le cose annesse, che ghe xè,
E con le antecedenti, come chè
8De grave pregiudizio alla so schiata.
Adesso, che xe tutto in sospension
Stante, che la Sentenza xe appellada,
11Cito Parnasso per intromission;
Perchè, quando de sù la sìa trattada,
Vederà chiaro chi no xe cogion,
14Che la xe 'na Sentenza buzarada.
