Hà fatto con poetica licenza
La comedia in Parnasso un gran discorso,
A segno tal, che senz'alcun rimorso
4Quel Congresso hà spedìo Chiari in absenza;
Ma me voggio appellar de sta sentenza,
Voi far a un altro Giudice riccorso,
Zà, che me dà la leze sto soccorso,
8Che se avvanza no voi sta maldicenza.
Come? Sul dito sol dell'indolente,
Ch'hà reclamà con tanto gran schiamazzo,
11Se giudica cussì summariamente?
Per ordene, e per merito sto spazzo
Voi far tagiar, e voi veda la zente,
14Che quel gran discorson no val un Cazzo.
