SOGNO DELL'AUTOR IN RISPOSTA.
SONETTO
Comparme caro; mi me son sognà
L'altra mattina nel spontar del dì,
Che quel, che spesso compagnìa ve fà,
4Giera in una gran colera co mì,
Messo, come un Dindon immusonà,
Me par, che'l me disesse inviperì;
Baron, briccon, in dove astu imparà
8A strapazzare i omeni cussì?
Scosso da ste parole, olà cos'è?
Me par, che ghe disesse; e presto sù
11Me alzasse con el dirghe; mo perchè
Aveu st'ira co mi? Nè'l sento più;
Slongo 'na man, e tiogo, indovinè?
14I mi cogioni, e credo, che 'l sia lù.
El Beccazzo fottù
Voleva dirghe: e me son desmissià
17Col so Ritratto in man cagà, e spuà.
