EL CAZZO SE LICENZIA DALL'AUTORE.
SONETTO
Son vecchio, l'è fenìa, ghe vuol pacienza;
No son più bon de far cogionarìe,
Zà per mi le marende xe fenìe,
4M'hà domandà 'l mio Cazzo la licenza.
Bisogna, che da mi 'l tioga partenza,
Se poverazzo nol puol star più in pìe,
Nol puol servir, bisogna, ch'a do vìe
8El staga adesso a far la penitenza.
Addìo donca Puttane, addìo ragazze,
A tutte mi ve fazzo de capello,
11Se d'altro no son bon, che de liccar.
Un Omo mi me par d'esser de strazze,
E, quando no me tira più l'Osello,
14Me posso andar a far ben buzarar.
