Pagina:Raccolta universale delle opere di Giorgio Baffo 3.djvu/99

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


TUTTO MISERIE, UNICO BEN LA MONA.


SONETTO N.° I.


Sto aver d'andar in letto, co xe sera,
    Sto averse da vestir, e despogiar,
    Sto pensar, co xe dì, sempre al disnar,
    4Sto pagar el salario alla massera.

Un abito vestir da primavera,
    Un altro, quando 'l Sol ne fà scaldar,
    Un terzo, co i principia a vendemmiar,
    8Un quarto, co la neve xe per tera.

Sto pissar, sto cagar, sta malattìa,
    Che un dì una cosa la ve para bona,
    11Un altro, ch'una buzara la sìa.

La xe una vita tanto buzarona,
    Che al cospetto de Dìo me mazzarìa,
    14Se al Mondo no ghe fusse più la Mona.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_universale_delle_opere_di_Giorgio_Baffo_3.djvu/99&oldid=60819"