NO SE PUOL DAR NEL GENIO A TUTTI.
SONETTO
Semo in ancuò a 'na dura condizion
Per dar in tel umor a sto Mondazzo;
Chi no fotte, se dise, un visdecazzo,
4E chi fotte, se dise, l'è un baron.
Se un stà in Chiesa a dir dell'orazion
El xe un sculazzabanchi, un chiettinazzo,
Se nol và in Chiesa, el xe un buzaradazzo,
8Che no sente pietà, nè religion.
Quella, che no lo tiol, xe 'na cogiona,
E quella, che lo tiol, subitamente
11Se dise, che la xe 'na buzarona.
Co l'è cussì, che zà no se fà gnente,
Voi magnar, voi cagar, e andar in Mona;
14E a farse buzarar vaga la zente.
