LA SO MOROSA È PROMESSA A UN ALTRO.
SONETTO
Dopo, che per culìa mi ho tanto fato,
Che ho speso, e spanto assae per contentarla,
Senza, ch'abbia podesto mai toccarla,
4Dell'impianton el ballo la m'hà dato.
Per maridarse la gà serrà el contrato,
Tanto, che andar no posso più a trovarla,
Che ben mi ghe dirìa de buzararla,
8Se per ella mi son deventà mato;
Ma zà, che no ghe posso più parlar,
Almanco, che podesse in quella sera
11Star là anca mì, co la se fà chiavar;
Che mi no la vorrìa perder intiera,
O me vorrìa l'Osello ben menar,
14O vorrìa buzararghe la massera.
