L'AUTORE ABBANDONÀ DALLA SO MOROSA.
SONETTO
Donca l'oggetto del mio amor più bello,
Quella, che hò sospirà per tanti zorni,
Co se suol dir, me farà addesso i corni,
4E se farà chiavar da un altro Osello!
Che buzara xe questa, che martello,
Che provo, quando passo in quei contorni!
E pur a chi è l'oggetto dei me scorni
8Bisogna, che ghe fazza de capello.
Mi ho fatto la fadiga, e lù gà el frutto,
Mi la so Mona no l'ho mai toccada,
11E lù ghe metterà l'Osello tutto.
Dopo, che mi l'ho tanto coltivada,
Sto aver pò da restar a muso sutto
14La xe una gran sentenza buzarada.
