PREGIUDIZJ DEL BIGOTTISMO.
SONETTO
Mi no sò per qual causa, ch'a spuar
No sia peccà, nè a suppiarse 'l naso,
Nè gnanca a far de pisso un boccal raso;
4Nè a trar una scorezza, nè a cagar;
De questo no se andemo a confessar,
Ma solamente se fà un brutto caso
De qualche Donna entrar drento nel vaso
8Quando, che se gà voggia de sborar.
Che razza de pensar, che leze dura,
Ch'hà inventà i nostri vecchj buzaroni,
11No xe un sollevo anca la sboraura?
Donne, no ghè badè a sti Satraponi,
Che sospendendo 'l corso alla Natura
14Vuol, che 'l seme marcissa in t'i cogioni.
