L'IMPOSTURA COVERZE EL VIZIO.
SONETTO
Mi no vorrìa aver fatto quel, ch'hò fato,
Voggio dir tanti versi buzarai,
E averli per Venezia semenai,
4E ancora posso dir fuora de Stato.
Cos'hoi vanzà? Che son trattà da mato,
E da un Omo, che sia pien de peccai,
E vìa de pochi assae spregiudicai,
8Tutto 'l resto me crede un baronato.
Bisogna donca per muar natura,
Nè più filosofar sora la Mona,
11Nè sora i Santi Padri, e la Scrittura.
Co se vuol far una figura bona,
Mi'l sò, ghe vuol un poca d'impostura,
14Andar in Culo, e pò dir la corona.
