RICORDO PER BEN FOTTERE.
SONETTO
Un arrecordo voggio darve, amici,
Che per chiavar ste Donne, come và,
Bisogna, che magnè con sobrietà,
4E in sto mestier vù sarè più felici.
Mi vardo, che quei poveri infelici
De Frati, che per star in castità
El dezun da cogioni hà decretà,
8Ma i s'hà dà 'na burlada pò coi rici.
I hà credesto, che possa 'l dezunar;
Quando la carne i stimoli ghe daga,
11La lussuria del Cazzo moderar.
Ma mi gaverìa dito, che no i staga
Per remedio la dieta a decretar;
14Che vuol Cazzo a dezun Potta imbriaga.
